Filialımızda ata-analar menen ushırasıw shólkemlestirildi
Usı jıldıń 2-dekabr kúni Muhammed al-Xorezmiy atındaǵı TITU Nókis filialı "Kompyuter injiniringi" fakultetinde student-jaslardıń ata-anaları menen ushırasıw bolıp ótti.
Ilajdi fakultet dekanı T.Berdimbetov hám fakultet jaslar menen islesiw máseleleri boyınsha dekan orınbasarı Sh.Baymuratov ashıp berdi hám alıp bardı.
Ushırasıwda búgingidey globallasıw dáwirinde hár qıylı jat ideyalardıń jaslar tárbiyasına keri tásiri hám onıń aldın alıwǵa qaratılǵan wazıypalar, jáne de hemis oqıw dástúri, kredit-modul sisteması haqqında ata-analarǵa keń túrde túsinikler berildi.
Sonday-aq, jaslardıń sabaqlardan bos waqıtlarında internet tarmaqlarınan aqılǵa muwapıq paydalanıwı, ata-analar olardı turaqlı túrde qadaǵalap barıwı, bunda filialımız jámááti menen birge islesiwdi jetilistiriw máselesinde pikir almasıwlar boldı.
