Filial student-qızları arasında "Tumaris izbasarları" tańlawı shólkemlestirilmekte
Muhammed al-Xorezmiy atındaǵı TITU Nókis filialında oqıp, bilim alıp atırǵan student-qızlar arasında toparlar aralıq jarıs bolıp ótedi. Onda filialdıń 1-3-basqısh student-qızlarınan dúzilgen toparlar qatnasıwı múmkin boladı.
Tańlaw 8 shártti óz ishine alıp, qatnasıwshılar toparlıq túrde 8 qızdan ibarat bolıwı tiyis. Shártler oqıw jılı aqırına shekem dawam etedi.
Tańlaw shártleri tómendegishe:
Zakovat intellektual oyını;
Sport oyınları (stol tennis - bunda hár topardan 2 qız, volleybol - hár topardan 6 qız);
Pázendeshilik (hár topardan 2 qız, milliy taǵam tayarlanadı);
Sheber qollar (toqıma toqıw - bunda 30 minut ishinde enine 15 sm, al uzınlıǵına belgilengen waqıt aralıǵında toqıǵanına qarap ball beriledi);
Kompyuter sawatxanlıǵı (bunda hár topardan 4 qız qatnasadı, C++ programmalastırıw tilinen 5 esap beriledi)
Kitapqumarlıq (bul shártte qatnasıwshılarǵa 8 kitap beriledi yaǵnıy,
1. T.Qayıpbergenov "Túsiniksizler" (Úshinshi tom)
2. J.Aymurzaev "Jetimniń júregi"
3. Á.Shamuratov "Eski mektepte" (Meniń jolbarıslar menen jolıǵısıwlarım)
4. O.Xasanov "Liderlar kitobi"
5. M.Brion "Men kim sohibqiron A.Timur"
6. A.Qodiriy "Ótgan kunlar" romanı
7. A.Qodiriy "Mehrobdan chayon"
8. Den Braun "Da Vinchi siri" usı kitaplardı oqıp berilgen sawallarǵa juwap beriwleri kerek)
Juwırıw (estofeta);
Saxnalıq kórinis (bul shártte qatnasıwshılar búgingi kúnde hayal-qızlar arasında kóp ushırasıp atırǵan mashqalalardan saxnalıq kórinis tayarlawı kerek, belgilengen waqıt 10 minut).
Tańlawda jeńimpaz toparlar qalay sıylıqlanadı?
Tańlaw nızamına bola, tańlawda jeńimpaz dep tabılǵan 1-orın iyeleri diplom hám de jámi bazalıq stipendiyanıń 15 esesi muǵdarındaǵı pul sıylıǵı menen sıylıqlanadı. Al 2-orın jámi bazalıq stipendiyanıń 11 esesi, 3-orın iyeleri bolsa jámi bazalıq stipendiyanıń 7 esesi muǵdarındaǵı pul sıylıqları hámde diplom menen sıylıqlanadı. Qalǵan qatnasıwshı toparlar estelik sawǵaları menen xoshametlenedi.
Tańlawda qatnasıwshı toparlar Student-qızlar koordinatorı arqalı dizimnen ótiwi soraladı.
Tańlawdıń 1-shárti "Zakovat" intellektual oyını usı jıldıń 3-dekabr kúni filial bas imaratında bolıp ótedi.