Filial student-qızları arasında kitapqumarlıq mádeniyatın keń úgit-násiyatlaw maqsetinde iláj shólkemlestirildi
Usı jıldıń 29-noyabr kúni Muhammed al-Xorezmiy atındaǵı TITU Nókis filialı Hayal-qızlar keńesi tárepinen "Kitapxan ana - kitapxan bala" atamasında ruwxıy-aǵartıwshılıq ilájı bolıp ótti.
Ilájǵa filial Hayal-qızlar máseleleri boyınsha direktor másláhátshisi A.Tumaeva, aǵa oqıtıwshı H.Omarova, Telekommunikaciya texnologiyaları hám kásiplik tálim fakulteti hayal-qızlar máseleleri boyınsha dekan másláhátshisi F.Sarıkulova, tyutor Ǵ.Bekbosinova hám de student-qızlar qatnastı.
Úgit-násiyatlaw iláji dawamında kitapqumarlıq shańaraqta qalay qáliplesiwi haqqında ustazlar óz tájiriybelerinen kelip shıǵıp bólisti. Iláj sheńberinde qatnasıwshılar kitapqumarlıqqa baylanıslı jańa maǵlıwmatlarǵa iye boldı hám olardı shańaraqta úgit-násiyatlaw jolları haqqında keń túsinikler aldı. Bul iláj student-qızlar arasında kitapqumarlıqtı rawajlandırıw, kitap oqıw mádeniyatın keń úgit-násiyatlawdı óz aldına maqset etken bolıp esaplanadı.
