"Korrupciyaǵa qarsı gúresiw aylıǵı" sheńberinde bir qatar tańlawlar ótkerildi
9-dekabr - "Xalıqaralıq korrupciyaǵa qarsı gúresiw kúni" múnasibeti menen Muhammed al-Xorezmiy atındaǵı TITU Nókis filialında "Antikorrupciya bilimdanı" atamasında bir qatar tańlawlar bolıp ótti.
Atap aytqanda, student-jaslardan quralǵan komandalar arasında "Bilimler bellesiwi", súwretler, vidoeorolikler hám de shıǵarmalar tańlawları ótkerildi.
Bunda "Bilimler bellesiwi" usı jerdıń ózinde ótkerilgen bolsa, basqa tańlawlar jeńimpazları aldınnan tapsırılǵan materiallarǵa qarap anıqlandı.
Student-jaslardıń korrupciyaǵa qarsı gúresiw tuwralı bilimlerin bekkemlew, olarǵa keń túsinikler beriw máqsetinde shólkemlestirilgen bul tańlawlar qatnasıwshıları hám olardıń dóretpeleri tóreshiler quramı aǵzaları tórepinen bahalap barıldı hám olardıń qoyǵan bahalarına bola eń jaqsı dep tabılǵan qatnasıwshılar diplom hám de estelik sawǵaları menen sıylıqlandı.
Korrupciyaǵa qarsı gúresiw aylıǵı sheńberinde ótkerilgen bunday keń kólemli ilájlar jaslardıń bos waqıtların mazmunlı shólkemlestiriw menen bir qatarda olarda antikorrupciya mádeniyatın qáliplestiriwi sózsiz.
