Filialda «Biz zorlıqqa qarsımız!» akciyası sheńberinde tańlaw bolıp ótti
25-noyabr kúni Xalıqaralıq Hayal-qızlarǵa qaray zorlıqqa tıyım salıw kúni retinde BMSh bas assambleyasınıń 1999-jıl 17-dekabr kúni rezolyaciyası menen belgilendi.
Sáne múnásibeti menen usı jıldıń 25-noyabr kúni Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakultetinde "Biz zorlıqqa qarsımız!" atamasında iláj bolıp ótti.
Ilajǵa filial Hayal-qızlar máseleleri boyınsha direktor másláhátshisi A.Tumaeva, Nókis qalalıq IIO JMB JKB XPT XKMB aǵa inspektorı mayor A.Namenova, filial Hayal-qızlar psixologı G.Utemuratova, fakultet hayal-qızlar máseleleri boyınsha dekan másláhátshisi F.Sarıkulova, tyutorlar hám de filial student-qızları qatnastı.
Akciya sheńberinde student-qızlar arasında bir qansha tańlawlar shólkemlestirildi. Atap aytqanda, student-qızlar "Biz zorlıqqa qarsımız!" atamasında súwretler hám shıǵarmalar tańlawı ótkerildi. Tańlawda belsene qatnasqan student-jaslar filial Hayal-qızlar keńesi tárepinen tayarlanǵan diplom hám de estelik sawǵaları menen sıylıqlandı.
