Pitkeriwshi student-jaslar menen ushırasıw shólkemlestirildi
Usı jıldıń 26-noyabr kúni Muhammed al-Xorezmiy atındaǵı TITU Nókis filialı "Kompyuter injiniringi" fakulteti 4-kurs student-jasları qatnasıwında ushırasıw bolıp ótti.
Ilajdi fakultet jaslar menen islesiw máseleleri boyınsha dekan orınbasarı Sh.Baymuratov ashıp berdi hám alıp bardı.
Ilajǵa IT Park Qaraqalpaqstan filialı bas manejeri I.Ismailov, Aral-Hub IT kompaniyası bas direktorı T.Baltabekov, kompaniya dástúrshileri B.Parakhatov, B.Aydarbaev, A.Imniaminov, A.Dawletyarov, T.Damyarov, I.Turabaev, filialımız Marketing hám studentler ámeliyatı bólimi baslıǵı Z.Muyatdinova, marketolog D.Adilbaevalar sózge shıǵıp, pitkeriwshi student-jaslardıń bántligin támiyinlew maqsetinde islenip atırǵan is-ilajlar haqqında tolıq maǵlıwmatlardı berip ótti.
Bunday ilajlardıń ótkeriliwiniń tiykarǵı maqseti, filialımızdaǵı pitkeriwshi studentlerdiń bántligin támiyinlew hám olarda keleshek kásipleri yaǵnıy házirgi kúnde IT tarawında islengen joybarlar haqqında keń kónlikpelerge iye bolıwı, keleshekte óz tarawı boyınsha jaqsı nátiyjelerge erisip, mámleketimizdiń rawajlanıwına óz úlesin qosıwǵa túrtki boladı desek aljaspaǵan bolamız.
