"Jasalma intellekt hám matematik modellestiriwdiń áhmiyetli máseleleri" atamasında konferenciya bolıp ótti
14-15-noyabr kúnleri Muhammed al-Xorezmiy atındaǵı TITU Nókis filialında "Jasalma intellekt hám matematik modellestiriwdiń áhmiyetli máseleleri" atamasında Respublikalıq ilimiy-texnik konferenciya bolıp ótti.
Búgin filial májilisler zalında konferenciyanıń jabılıw máresimi bolıp ótti. Máresimde Konferenciya jumısını shólkemlestiriwshi komitet baslıǵı, filial direktorı w.w.a, texnika ilimleri doktorı, professor Rashid Oteniyazov sázge shıǵıp konferenciya óz jumısın nátiyjeli juwmaqlaǵanı, tema dógereginde bir qatar ilimiy jańalıqlar menen bólisilgeni tuwralı aytıp ótti, sonday-aq, qatnasıwshılarǵa, shólkemlestiriwshilerge hám konferenciya jumısını shólkemlestiriwshi komitet qánigelerine minnetdarshılıq bildirdi.
Konferenciyanıń 5 sekciyası boyınsha eń jaqsı maqala-tezisler avtorları, eń jaqsı bayanat jasaǵan qatnasıwshılar, sekciya baslıqlar, sonıń menen bir qatarda konferenciya jumısına jaqınnan járdem bergen filial xızmetkerleri arnawlı sertifikatlar menen sıylıqlandı.
Konferenciya jumısı barısında jaslalma intellekt hám matematik modellestiriw boyınsha bir qatar izertlewshiler, professor-oqıtıwshılar, student-jaslar sonday-aq, qızıǵıwshılar tárepinen jańa maǵlıwmatlar berildi. bul bolsa konferenciya óz aldına qoyǵan maqsetinde jetkenin kórsetedi.
