Filialımızda "Ózbekstan Respublikası mámleketlik bayraǵı qabıl etilgen kúni" belgilendi
1991-jıldıń 18-noyabrinde Ózbekstan Respublikası Joqarı Keńesiniń VIII sessiyasında Ózbekstan Respublikası mámleket bayraǵı haqqındaǵı nızamı qabıl etilgen. Sáne múnásibeti menen Muhammed al-Xorezmiy atındaǵı TITU Nókis filialında ushırasıw hám bayram keshesi bolıp ótti.
Filial májilisler zalında ótkerilgen ilájda "Kompyuter injiniringi" fakulteti dekanı orınbasarı Sh.Baymuratov, "Ózbek tili hám shet tiller kafedrası" baslıǵıH.Jaqsimova, usı kafedra oqıtıwshısı Q.Reymov hám student-jaslar qatnastı.
Dáslep ushırasıwda mámleketlik belgiler, olardıń áhmiyeti, Ózbekstan Respublikası mámleketlik bayraǵı haqqında aytıp ótildi.
Sózge shıqqanlar, bayraǵımıǵzdıń qabıl etiliw tariyxı, onda sáwlelengen reńler hám basqa da faktler menen bólisti.
Dilge jaqın qosıqlar, kórkem shıǵıwlar menen dawam etken ushırasıw Ózbekstan Respublikasi mámleketlik bayraǵı qabıl etilgenliginiń 33 jıllıǵı bayramına aylanıp ketti.
Bayraq ózinde pútkil Ózbekstan xalqınıń ázeliy tilek-umtılısları, erk-ıqrarı, xalqımızǵa tán miymandoslıqtı sáwlelendirgen. Mámleketlik bayraqtıń mámleketlik mákeme hám shólkemler, oqıw orınları, Ózbekstan aǵzası bolǵan xalıqaralıq shólkemler, sırt ellerdegi elshixana hám turaqlı wákilxanalardıń aldında jelbirep turıwı, hár qıylı bayram saltanatlarında, mámleketimiz wákilleri qatnasıp atırǵan xalıqaralıq kólemdegi siyasiy, mádeniy-aǵartıwshılıq ilajlarda, abıraylı sport jarıslarında watanımızdıń abıray-mártebesi, xalqımızdıń maqtanıshın ayqın sáwlelendirip, kewillerdi tolqınlandıradı.
Mámleketlik belgiler bárqulla muqaddes hám ullı bolıp tabıladı. Óytkeni, ol xalıqtıń ótmishi, búgini hám keleshegin ózinde jámlegen watannıń simvolı esaplanadı.
