Filialımızdıń hayal-qızlar máseleleri boyınsha direktor másláhátshisi CCA Awards sıylıqlaw máresiminde qatnastı. Ol Qaraqalpaqstan wákili sıpatında sıylıqlandı
Tashkent qalasında Women in Tech Global Awards sıylıǵı sheńberinde regionallıq CCA Awards sıylıqlaw máresimi bolıp ótti. Íláj Ózbekstan, Qazaqstan, Gruziya, Qırǵızstan, Azerbayjan hám basqa da mámleketlerden IT tarawı jetekshileri, startap tiykarshıları hám innovatorlardı bir jerge jámledi.
Máresimde Sanlı texnologiyalar ministri másláhátshisi K.Sobirova, Women in Tech Global tiykarshısı hám bas direktorı Ayumi Mur Aoki, sonday aq, bir qatar mámleketlerden delegaciyalar qatnastı.
Ilájda Qaraqalpaqstan Respublikası wákili sıpatında qatnasqan Muhammed al-Xorezmiy atındaǵı TITU Nókis filialı hayal-qızlar máseleleri boyınsha direktor másláhátshisi Aygul Tumaeva shólkemlestiriwshiler tárepinen sertifikat penen sıylıqlandı.
Bul sıylıq texnologiyalar hám STEAM (ilim, injenerlik, kórkem-óner, matematika) tarawlarını rawajlandırıwǵa úlken úles qosqan hayal-qızlarǵa beriledi.
