Bárshe Joqarı oqıw orınlarında 2024/2025-oqıw jılı baslandı
Muhammed al-Xorezmiy atındaǵı Tashkent informaciyalıq texnologiyaları universiteti Nókis filialında Mámleketimiz Ǵárezsizliginiń 33 jıllıǵı hám de Bilimler kúni bayramı múnásibeti menen bayram ilajı bolıp ótti.
Kesheni filial direktor w.w.a., t.i.d., professor R.Oteniyazov ashıp berdi. Sonday-aq, Ózbektelekom akcionerlik kompaniyası, Qaraqalpaqstan Respublikası bólimi baslıǵı Q.Tajenov, Radio tele uzatıw orayı baslıǵı A.Utemuratov, "Programmalıq injiniringi hám matematikalıq modellestiriw" kafedrası baslıǵı f.-m.i.d., professor N.Utewlievler sózge shıqtı.
Ilaj dawamında sózge shıqqanlar bársheni Ǵárezsizligimizdiń 33 jıllıq bayramı hám jańa oqıw jılınıń baslanıwı menen qızǵın tárizde qutlıqlap, student-jaslarǵa oqıwlarında ayrıqsha tabıslar tiledi.