Búgingi kúnde mámleketimizde sanlı texnologiyalardı rawajlandırıw, tarawlardı sanlastırıw jumısların jedellestiriw baǵdarında kóplegen is-ilajlar ámelge asırılıp atır. Soǵan tiykar, ulıwma orta bilim beriw mektepleriniń 5-6-7-8-klass oqıwshıların “Informatika hám informaciyalıq texnologiyaları” páninen IT tarawında 2026-jılı bolıp ótetuǵın abıraylı xalıqaralıq olimpiadasına tayarlaw maqsetinde “Tańlaw”dıń Qaraqalpaqstan Respublikası basqıshı bolıp ótti.
Onda ulıwma orta bilim beriw mektepleriniń 5-6-7-8-klass oqıwshılarınan jeńimpaz dep tabılǵan jámi 30 oqıwshılardıń dizimi qáliplestirilgen bolıp, abıraylı xalıqaralıq olimpiadasına tayarlaw ushın Qaraqalpaqstan Respublikası jańa metodikalarǵa úyretiw milliy orayında 5-avgust sánesinen 10-avgust sánesine shekem qısqa múddetli kurs shólkemlestirildi.
Qısqa múddetli kursta Muhammed al-Xorezmiy atındaģı TITU Nókis filialı assistent oqıtıwshıları Qaraqalpaqstan Respublikası basqıshında jeńimpaz bolǵan oqıwshılarǵa IT tarawına tiyisli sapalı bilimlerdi berip, olardı 2026-jıl bolıp ótetuǵın olimpiadaǵa tayarlap atır.
Bizde óz gezeginde, oqıwshılarǵa házirgi kúnde jedel pát penen rawajlanıp atırǵan IT tarawınıń bilimlerin úyreniwde tabıslar tilep, xalıqaralıq olimpiadada jaqsı nátiyjeler kórsetip qalıwına tileklespiz.
