Muhammed al-Xorezmiy atındaǵı TITU Nókis filialınıń mámleketlik test imtixanları ótkeriletuǵın imaratında 16-iyul kúngi test sınaqları baslandı.
Búgin erte tańnan Muhammed al-Xorezmiy atındaǵı TITU Nókis filialında 2024/2025-oqıw jılı ushın joqarı hám professional oqıw orınlarına kiriw test sınaqlarınıń 3-kúnide qızǵın tárizde baslandı.
Ózgeshe kórinis, abiturientler kózlerindegi az da bolsa qorqıw hám úmit ushqınların hesh qanday sebeplersiz seziwge boladı. Ustazlarınıń jıllar dawamında islegen miynetleriniń nátiyjesine sońǵı adımın atıw ushın abiturientler hám olardı qollap-quwatlaw ushın ata-analar test sınaqları bolıp ótetuǵın imarat aldına jıynalǵan.
Esletip ótemiz test imtixanları eki smenada:
Birinshi smena 08:00 den 11:00 ge shekem;
Ekinshi smena 15:00 den 18:00 ge shekem bolıp ótedi.
Bárshe abiturientlerge studentlik baxtın tilep qalamız!
