Ilimiy jetiskenlik
Filialımız oqıtıwshısı texnika ilimleri boyınsha filosofiya doktorı (PhD) ilimiy dárejesin alıwǵa eristi
Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakulteti dekan orınbasarı K.Erejepov “Tashkent irrigaciya hám awıl xojalıǵın mexanizaciyalaw injenerleri institutı” Milliy izertlew universiteti janındaǵı ilimiy dárejeler beriwshi DSc.03/26.05.2022.T.10.05 cifrlı Ilimiy keńesinde 05.01.03 - “Informatikanıń teoriyalıq tiykarları” qánigeligi boyınsha “Kiriw-shıǵıw qadaǵalaw sistemaları ushın shaxstı júz súwreti tiykarında identifikaciyalaw algoritmları” temasındaǵı texnika ilimleri boyınsha filosofiya doktorı (PhD) ilimiy dárejesin alıw ushın jazılǵan dissertaciya jumısın nátiyjeli qorǵap shıqtı hám keńes aǵzaları tárepinen 100% dawıs jıynap "Texnika ilimleri boyinsha filosofiya doktorı (PhD)" ilimiy dárejesi ushın usınıs etildi.
Álbette, bul tabıs filialımız oqıtıwshısınıń tınımsız ilimiy izlenisleri nátiyjesiniń jemisi esaplanadı.
Óz gezeginde, bul tabıs penen pútkil filial jámáátin, qorǵawdı tabıslı juwmaqlaǵan K.Erejepovtı shın júrekten qutlıqlaymız!