Moynaq jasları ushın "Basshı hám jaslar" ushırasıwı shólkemlestirildi.
Muhammed al-Xorezmiy atındaǵı Tashkent informaciyalıq texnologiyları universiteti Nókis filialı baslaması menen shólkemlestirilip atırǵan Moynaqta "Kibersportshı hám zeyinli jaslar kúni" sheńberinde "Basshı hám jaslar" ushırasıwı bolıp ótti.
Ilaj dawamında Muhammed al-Xorezmiy atındaǵı TITU Nókis filialı Oqıw isleri boyınsha direktor orınbasarı X.Seytkamalov, Ilimiy isler hám innovaciyalar boyınsha direktor orınbasarı B.Aytmuratov, fakultetler dekanları T.Berdimbetov, B.Fayzullaevlar hám de filial filial professor-oqıtıwshıları mektep pitkeriwshileri hám oqıwshı jaslarǵa búgingi kúnde IT tarawın rawajlandırıw barısında Prezidentimiz tárepinen ilgeri súrilip atırǵan reformalar hám mámleketimizde jaratılǵan imkaniyatlar haqqında keńnen maǵlıwmatlar berdi. Sonday-aq, IT tarawı jedel pát penen rawajlanıp atırǵan búgingi kúnde Sanlı texnologiyalar Ministrligi sistemasındaǵı joqarı oqıw orınlarında tálim alıwdı usınıs etti.
Ushırasıw dawamında Moynaqshı jaslar IT tarawın rawajlandırıwǵa úles qosatuǵınday ideaları, joybarın tanıstırıp, kóplegen pikir-usınıslar bildirdi.
