Mektep oqıwshı-jasları ushın Muhammed al-Xorezmiy atındaǵı TITU Nókis filialı boylap sayaxat shólkemlestirildi
Muhammed al-Xorezmiy atındaǵı TITU Nókis filialında "Ashıq esikler kúni" múnásibeti menen paytaxtımızdaǵı 2-sanlı ayrım pánler tereńlestirilip oqıtılatuǵın mektep internatı oqıwshı-jasları miymanda boldı.
Oqıwshı-jaslardı filial Jaslar awqamı jetekshisi Z.Maxsetbaev kútip aldı hám filialda jaslar ushın jaratılǵan shárayatlar, Inkubaciya hám akseleraciya orayındaǵı imkániyatlar, student-jaslar tárepinen islep shıǵılǵan qurılmalar, kompyuter xanaları hám filial sport zalı menen tanıstırdı.
Filialımızda bunday ekskursiyalardıń shólkemlestiriliwi, IT tarawına qızıǵıwshılıǵı bolǵan oqıwshılardıń bilimlerin elede arttırıwda hám keleshekte tuwrı kásipke qaray baǵdarlawda áhmiyetli rol atqaradı.
