Studentimiz jáhán arenasında
Usı jıldıń 20-may kúni Bes baslama paraolimpiadası sheńberinde Nókis qalasında bolıp ótken sport oyınlarınıń Qaraqalpaqstan Respublikası basqıshı bolıp ótti. Onda filialımızdıń "Kompyuter injiniringi" fakulteti 3-kurs studenti Sariboyev Nursulton Bes baslama paraolimpiadası sheńberinde para jeńil atletika boyınsha 100 metrge juwırıw boyınsha Qaraqalpaqstan Respublikası basqıshında sıylı 1-orın jeńimpazı bolıw baxtına miyassar boldı hám Ózbekstan Respublikası basqıshına jollanbanı qolǵa kirgizdi.
Sonday-aq, keshe ǵana bolıp ótken "THE 15TH DR.BEAK MUN JONG CUP INTERNATIONAL OPEN TAEKWONDO CHEMPIONSHIPS" sporttıń para taekwondo túri boyınsha xalıqaralıq jarısta sıylı 2-orın jeńimpazı boldı.
Bizde óz gezeginde Nursultondı qos jeńisi menen qutlıqlay otırıp, keyingi jarıslarda joqarı nátiyjelerge erisiwin tilep qalamız.
