Úgit-násiyatlaw ushırasıwı.
Búgin Muhammed al-Xorezmiy atındaǵı TITU Nókis filialı "Kompyuter injiniringi" fakultetinde "Jaslar arasında diniy, sociallıq-ruwxıy ortalıqtı qáliplestiriw hám kiberjınayatshılıq" atamasında úgit-násiyatlaw ushırasıwı bolıp ótti.
Ushırasıwǵa fakultet Jaslar menen birge islesiw boyınsha dekan orınbasarı Sh.Baymuratov, Qaraqalpaqstan Respublikası Ishki isler ministrligi operativ qıdırıw xızmeti kiberqáwipsizlik bólimi aǵa qánigesi J.Qıdırbaev, Qazı orınbasarı A.Jolawshiev, Nókis qalası Allamberdi-Áziz meshiti imam nayıbı I.Kapabaev hám filialǵa biriktirilgen profilaktika inspektorı N.Bektursınov, tyutorlar A.Rembaev, S.Xojametov, Q.Aytbaev, M.Dospanovlar qatnastı.
Ilaj dawamında elimizde sociallıq-ruwxıy ortalıqtıń turaqlılıǵın támiyinlew hám jaslardı jat ideyalar tásirinen qorǵaw jáne missionerlik, ǵalabalıq mádeniyat sıyaqlı ideologiyalıq qáwiplerdiń aldın alıw, jaslarda jat illetlerge immunitet qáliplestiriw máseleleri boyınsha túsinikler berildi.
