15-may - Xalıqaralıq shańaraq kúni múnásibeti menen ilaj bolıp ótti
Hár jılı mámleketimiz boylap 15-may sánesi "Xalıqaralıq shańaraq kúni" sıpatında keń túrde belgilenedi. Usı sáne múnásibeti menen Berdaq atındaǵı Qaraqalpaq mámleketlik akademiyalıq muzıkalı teatrında bayram ilaji bolıp ótti.
Bayram ilaji basında qara úyler tigilip, milliy qol-óneri úlgileri kórgizbesi shólkemlestirildi. Sonday-aq, milliy úrp-ádet, salt dástúrlerimizdi ózinde jámlegen student-jaslar tárepinen tayarlanǵan saxnalıq kórinisler saxnalastırıldı. Hayal-qızlar túrli millet wákilleri libaslarında kelgen miymanlardı qarsı aldı.
Ilajda Muhammed al-Xorezmiy atındaǵı TITU Nókis filialı Hayal-qızlar máseleleri boyınsha direktor másláhátshisi A.Tumaeva hám filial student-qızları da belsene qatnastı. Bayram ilaji koncert baǵdarlaması menen jalǵastırıldı.
