"Jaslar akademiyası forumı" bolıp ótti.
30-aprel kúni Nókis kánshilik institutında Ájiniyaz atındaǵı NMPI, Muhammed al-Xorezmiy atındaǵı TITU Nókis filialı hám basqa da joqarı oqıw orınları student-jasları qatnasıwında "Jaslar akademiyası forumı" bolıp ótti.
Forumda Jaslar akademiyasınıń Qaraqalpaqstan Respublikası aymaqlıq lideri Q.Jalǵasbaeva Jaslar akademiyası, akademiya tárepinen járiyalanǵan tańlawlar hám házirgi kúnde liderler tárepinen ámelge asırılıp atırǵan is-ilajlar boyınsha maǵlıwmatlar berip ótti.
Onda Muhammed al-Xorezmiy atındaǵı TITU Nókis filialı student-jasları ózleriniń innovacion joybarları menen qatnastı hám bolıp ótken seminar-treninglerden ózlerine paydalı bolǵan maǵlıwmatlar alıp, basqa da JOO menen pikir almastı.
Forumda filialımız 3-kurs studenti Jalǵasbaeva Qundız Jaslar akademiyası haqqında óz prezentaciyası menen qatnastı. Maǵlıwmat ornında, Jalǵasbaeva Qundız Jaslar akademiyası aymaqlıq lideri bolıp esaplanadı.
