Ilimiy jetiskenlik
Filialımız oqıtıwshısı texnika ilimleri doktorı (DSc) ilimiy dárejesin alıwǵa eristi
Filial "Programmalıq injiniringi hám matematikalıq modellestiriw" kafedrası oqıtıwshısı, PhD. G.M.Djaykov TITU qasındaǵı ilimiy dárejeler beriwshi DSc.13/30.12.2019.T.07.01 sanlı ilimiy keńesinde "Obyektlerdiń ishki dúzilisin arnawlı iymek sızıqlar shańaraǵında shawqımlı maǵlıwmatlar boyınsha tiklew model hám algoritmleri" temasında texnika ilimleri doktorı (DSc) ilimiy dárejesin alıw ushın jazılǵan dissertaciya jumısın nátiyjeli qorǵap shıqtı hám keńes aǵzaları tárepinen 100% dawıs jıynap "Texnika ilimleri doktorı (DSc)" ilimiy dárejesi ushın usınıs etildi.
Álbette, bul tabıs filialımız oqıtıwshısınıń tınımsız ilimiy izlenisleri nátiyjesi bolıwı menen birge ustazımız, professor Nietbay Uteulievtiń durıs baǵdarları jemisi esaplanadı.
Óz gezeginde, bul tabıs penen pútkil filial jámáátin, ustaz, professor N.Uteulievti hámde qorǵawdı tabıslı juwmaqlaǵan G.Djaykovlardı shın júrekten qutlıqlaymız!
