Qaraqalpaqstan Respublikası Málimleme resursı orayında Baxıtlı Sarıbaevtıń "Shımbay soqpaqları" atlıq qosıqlar toplamı kitabınıń prezentaciyası bolıp ótti.
Kámil insan tárbiyalawda ádebiyatımızdıń, shayır hám jazıwshılardıń tutqan ornı ayrıqsha. Sol sebepli usı jıldıń 26-aprel kúni Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakulteti tyutorı J.Qdırniyazov hám 1-basqısh student-jasları Qaraqalpaqstan Respublikası Málimleme resursı orayında Baxıtlı Sarıbaevtıń "Shımbay soqpaqları" atlıq qosıqlar toplamı kitabınıń prezentaciyasına qatnastı.
Ilaj dawamında shayır óz ómiri, dóretiwshiligi hám miynet jolı menen bólisti. Ana Watanınıń gózzallıǵı, tákirarlanbas tábiyatınan ilham alıp dórelgen "Shımbay soqpaqları" kitabı talqılandı. Ushırasıw sońında student-jaslar ózlerin qızıqtırǵan sorawlarǵa juwaplar aldı.
