Filialda Ájiniyaz Qosıbay ulınıń 200 jıllıģına baģıshlanģan ilaj shólkemlestirdi
Búgin Muhammed al-Xorezmiy atındaģı TITU Nókis filialında qaraqalpaq xalqı dóretiwshiliginde ózine tán ózgeshelikke iye, oǵada talantlı, oqımıslı, ulama, kórkem sóz sheberi sıpatında basqalardan ayrılıp turatuǵın, óz dáwiriniń progressiv idealların júzege shıǵarģan milliy maqtanıshımız bolģan Ájiniyaz Qosıbay ulınıń 200 jıllıģına baģıshlanģan baytam-ilajı bolıp ótti.
Bayram-ilajın "Kompyuter injiniringi" fakulteti dekan orınbasarı Sh.Baymuratov kiris sózi menen ashıp berdi. Onnan soń "Ózbek tili hám shet-tiller" kafedrası baslıģı U.Jaksimova hám kafedra oqıtıwshısı T.Otarova shayırdın ómiri hám dóretiwshiligi haqqında ulıwma túsinikler berip ótti.
Bayram-ilajı babamız qálemine tiyisli qosıq hám taqmaqlar, milliy ayaq-oyınlar hám saz-sáwbetler menen dawam etti.
Juldızlardı jerge úńiltpek bolsań.
Jaman shayırlardı túńiltpek bolsań,
Eger men ólgende tiriltpek bolsań,
Ayt sen Ájiniyazdıń qosıqlarınan!
