9-aprel – Qaraqalpaqstan Respublikasınıń Mámleketlik gerbi qabıl etilgen kún
1993-jıl 9-aprel kúni on ekinshi shaqırıq Qaraqalpaqstan Respublikası Joqarǵı Sovetiniń on ekinshi sessiyasında «Qaraqalpaqstan Respublikasınıń Mámleketlik gerbi haqqında»ǵı Nızam qabıl etilgen.
Mámleketlik gerb Qaraqalpaqstan Respublikası mámleketlik suverenliginiń nıshanı bolıp tabıladı.
«Qaraqalpaqstan Respublikasınıń Mámleketlik gerbi haqqında»ǵı Nızamǵa muwapıq:
- Qaraqalpaqstan Respublikası Mámleketlik gerbi elementleriniń mámleketlik emes shólkemler hújjetleriniń rekvizitleri yamasa reklama materiallarına kirgiziliwine jol qoyılmaydı;
- Qaraqalpaqstan Respublikası Mámleketlik gerbiniń táriyplemesi túsirilgen belgilerden islep shıǵarılıp yamasa realizaciyalanıp atırǵan tovarlardı (jumıslardı, xızmetlerdi) ótkeriw ushın kommerciyalıq maqsetlerde paydalanıw múmkin emes;
- Mámleketlik emes kommerciyalıq emes shólkemlerdiń belgileri Qaraqalpaqstan Respublikasınıń Mámleketlik gerbine uqsas bolıwı múmkin emes.