Usı jıldıń 14-mart kúni Qazaqstan Respublikası, Almata qalası, Al-Farabiy atındaǵı Qazaqstan Milliy Universitetinde "Cifrlıq transformaciya dáwirindegi matematikanıń zamanagóy en jayıw tendenciyaları" atamasında Xalıqaralıq ilmiy konferenciya bolıp ótti.
Biz ushın quwanıshlısı konferenciyaǵa filialımız "Multimedia texnologiyaları" kafedrası baslıǵı, PhD. M.A.Artikbayev da arnawlı ilimiy aǵza retinde mirát etilgen hám qatnasıp, konferenciya plenar májlisinde óz ilimiy izlenisleri nátiyjeleri haqqında bayanat qıldı.
Joqarı bilimlendiriw sistemasınıń eń tiykarǵı baǵdarlarınıń biri ilimiy izlenis jumısları ekenligi bárshemizge málim. Professor-oqıtıwshılarımızdıń bunday iri konferensiya hám seminarlarǵa qatnası bolsa filialdıń ilim sektorı alǵa ilgerlewine óziniń unamlı tásirin tiygizedi degen úmittemiz.
Maǵlıwmat ornında: Al-Farabiy QazMU xalıqaralıq tán alınǵan JOO reytinginde Top-300 likke, al Aziyadaǵı JOO lar reytinginde Top-30 lıqqa kirgen universitet esaplanadı.
