Búgin Muhammed al-Xorezmiy atındaģı TITU Nókis filialı "Kompyuter injiniringi" fakultetinde "Jaslardıń arasında huqıq buzarlıqtıń aldın alıw" atamasında úgit-násiyatlaw ushırasıw ótkerildi.
Ilajdi "Kompyuter injiniringi" fakulteti dekan orınbasarı Sh.Baymuratov ashıp berdi hám alıp bardı. Onnan soń Nókis qalası Ishki isler organların muwapıqlastırıw organ baslıģı T.Doshınbaev, 3-sanlı Ishki isler bólim baslıģı Q.Mirmambetov hám filialımız Profilaktika inspektorı N.Bektursinovlar tárepinen alıp barıldı.
Ushırasıw barısında házirgi kúnde student-jaslar arasında ushırasıp atırģan jınayat hám huqıq buzarlıqlardıń túrleri, olardan awlaq bolıw, hesh bir nársege itibarsız bolmastan, tuwrı kóz qaras penen qarap, jámiyetke paydası tiyetuģınday jetik kadrlar bolıp jetilisiwi ushın jaratılģan shart-sharayatlar haqqında aytıp ótildi.
