Búgin Muhammed al-Xorezmiy atındaǵı TITU Nókis filialında "Jaslardı sportqa tartıw hám olardı qamtıp alıw boyınsha ámelge asırılıp atırǵan jumıslar" haqqında ashıq sáwbet bolıp ótti. Sáwbetti filial direktorı wazıypasın waqtınsha atqarıwshısı t.i.d., docent R.Oteniyazov ashıp berdi hám alıp bardı.
Ótkerilgen ashıq sáwbetten tiykarǵı maqset student-jaslardıń bos waqıtların mazmunlı ótkeriw boyınsha Prezidentimiz tárepinen ilgeri súrilgen áhmiyetli bes baslama olimpiyadası sheńberinde sporttı rawajlandırıw boyınsha qabıl etilip atırǵan húkimet qararlarınıń orınlanıwın támiyinlew, sonday-aq, jaslar arasında salamat turmıs tárizi kónlikpelerin qáliplestiriwge qaratılǵan bolıp tabıladı.
Sáwbetke filialımız sportshı student-jasları qatnasıp, ózleriniń sport tarawındaǵı jetiskenlikleri haqqında aytıp berdi. Bul bolsa student-jaslardıń sportqa bolǵan qızıǵıwshılıǵın asırıwda járdem berdi-desek adaspaǵan bolamız.
