Usı jıldıń 25-aprel kúni paytaxtımız Nókis qalasındaģı I.V.Savetskiy atındaģı mámleketlik muzeyiniń maydanında Qaraqalpaqstan Respublikası Ministrler Keńesi, Turizm hám mádeniy miyras ministrligi, Mádeniyat ministrligi hám basqa da bir qatar mákemeler tárepinen "Milliy kiyimlerimiz - salt-dástúrimiz aynası" atamasında keń kólemli iláj shólkemlestirildi.
Ilájda filalımızdıń belsendi student-qızları da qatnastı. Milliy mádeniyatımızdı ele de rawajlandırıw, milliyligimizdi saqlap qalıw hám keleshek áwladqa múnásip jetkerip beriw biz jaslardıń qolında. Eń aldı menen mámleketti tanıw tili arqalı bolsa, sońınan milliy hám mádeniy baylıqları arqalı boladı. Sonıń ushın biz milliyligimiz benen maqtanamız.