Búgin filialımız májlisler zalında Ózbekstan Qaharmanı, Ózbekstan hám Qaraqalpaqstan xalıq shayırı Ibrayım Yusupovtıń 93 jıllıǵına arnap "Sónbes poeziya juldızı" atlı ádebiy keshe bolıp ótti.
Kesheni Oqıw isleri boyınsha direktor orınbasarı X.Seytkamalov ashıp berdi hám alıp bardı.Ádebiy keshede Ózbekstan Respublikasına xizmet kórsetken jurnalist A.Óteniyazova hám Ózbek-tili hám shet-tilleri kafedrası baslıǵı Ú.Jaksimovalar shayır poeziyası tuwralı, onıń dóretpeleri haqqında ózleriniń dokladları menen sózge shıqtı. Onnan soń ádebiy keshe filialımız "Kompyuter injiniringi" fakulteti student-jasları tárepinen tayarlanǵan koncert baǵdarlaması menen dawam etti. Haqıyqatında da, shayır poeziyası búgingi jas áwlad ushın da tárbiya mektebi boları sózsiz.Solay eken bárshe jaslarǵa shayır qosıqların oqıwdı usınıs etemiz.