Búgin filialımızda student qızlardıń hár túrli baǵdardaǵı qabıletlerin sınnan ótkeriw, olardı shaqqanlıqqa úyretiw hám ádep-ikramlı etip tárbiyalaw maqsetinde Báhár malikası tańlawı bolıp ótti. Onda filialımızdıń eki fakultetinen Karakalpak ladies, Tumaris, Biybixan qızları, Qırıqqız urpaqları atamaları menen tórt komanda qızları óz-ara bellesiwge tústi.
Hár bir komanda aǵzaları 6 shárt tiykarında óz belsendiligin kórsetiwge háreket etti. Bir-birinen ájayıp, bir-birinen qızıqlı oyın juwmaǵına kóre Telekommunikaciya texnologiyaları hám kásiplik tálim fakultetinen dúzilgen Qırıq qız urpaqları komandası 1-orındı iyelegen bolsa, nominaciyalar boyınsha Kompyuter injiniring fakulteti studenti Dáwletmuratova Juldız Báhár malikası nominaciyası jeńimpazı boldı. Sonday-aq, tańlawdı shólkemlestiriwde belsendiligi ushın Zuxra Yusupbaeva Húrmet jarlıǵı menen sıylıqlandı.Bárshe qatnasıwshılarģa filial kásiplik awqamı tárepinen qımbat bahalı sawǵalar tapsırıldı.
