Búgin Muhammed al-Xorezmiy atındaǵı TITU Nókis filialında Respublikalıq Qan quyıw stantsiyası shıpakerleri menen ushırasıw keshesi ótkerildi.
Ushırasıwǵa filialdıń donor jónelisinen Óz. R. boyınsha jeńimpazı Raxat Jańabaev hám onıń ata-anası: M.Tlemisov, J.Jandullaeva, Respublikalıq QQS shıpakerleri P.Gúlimbetova, J.Gapparova, KI fakulteti tyutorları M.Dospanov, S.Xojametov hám student-jaslar qatnastı.Ushırasıwdı Jaslar menen islesiw, ruwxıylıq hám aǵartıwshılıq bólimi baslıǵı B.Nurımbetov ashıp berdi hám basqarıp bardı. Onda shıǵıp sóylegenler donor bolıwdıń áhmiyeti, onıń insan salamatlıǵında tutqan ornı haqqında maǵlıwmatlar berdi. Sonday-aq, ushırasıw dawamında filialımızdıń úlgili studentlerinen biri 34 márte qan tapsırǵan jigit Raxat Jańabaevtıń iygilikli isleri maqtanısh penen tilge alındı.
Ushırasıw sońında Respublikalıq Qan quyıw stantsiyası tárepinen Raxat Jańabaevqa Alǵısnama hám filialımızǵa bolsa, Minnetdarshılıq xatı tapsırıldı.
