Búgin Muhammed al-Xorezmiy atındaǵı TITU Nókis filialında 15-mart "Tutınıwshılar huqıqın qorǵaw kúni" múnásibeti menen Monopoliyaǵa qarsı gúresiw komiteti tárepinen "Finanslıq sawatxanlıq" atamasında seminar trening bolıp ótti.
Onda taraw qánigeleri student-jaslarǵa aqıllı hám impulsive tutınıwshı túsinigi haqqında, daramat hám qarejetlerdi rejelestiriw sonday-aq, tutınıwshılar ushın oǵada zárúr bolǵan puldı tejew hám aqılǵa say paydalanıw boyınsha bilimlerin bólisti.
Sonday-aq, seminar-trening dawamında studentler arasında viktorina ótkerilip, onda belsene qatnasqanlarǵa kitaplar sawǵa etildi.
Búgingi ótkerilgen seminar-trening studentlerdiń kúndelikli turmısında óz paydasın tiygiziw menen birge tutınıwshılıq huqıqların qorǵaw boyınsha da keń túrde túsinikler berdi.