Jaslardıń bos waqıtların mazmunlı ótkeriw hám milliy mádeniy miyraslarımızǵa bolǵan qızıǵıwshılıǵın arttırıw búgingi kúnde eń áhmiyetli wazıypalardıń biri sanaladı.
Mine, usı maqsette Muhammed al-Xorezmiy atındaǵı Tashkent informaciyalıq texnologiyaları universiteti Nókis filiali studentleri paytaxtımızdaǵı Qaraqalpaqstan Respublikası tariyxı hám mádeniyatı muzeyinde sayaxatta boldı.
Bul sayaxat Kompyuter injiniring fakulteti tyutorları tárepinen shólkemlestirilip, jaslardıń ruwxıy dúnyasın bayıtıw hám mádeniy dem alıwına baǵdarlanǵan.
Studentler sayaxat dawamında muzeydegi hár túrli eksponatlar menen tanısıp, xalqımızdıń oǵada ajayıp estelikleri, ata-babalarımızdıń kúndelikli turmısında qollanǵan buyımları hám salt-dástúrleri haqqında tolıq maǵlıwmatlarǵa iye boldı.
