Aldın xabar bergenimizdey Aral boyı regionında xalıqtı tazalanǵan ishimlik suwı menen támiyinlew baǵdarında "World Aral Region Charity"shólkemi tárepinen joybar ámelge asırılıwı rejelestirilgen edi.
Bul joybarǵa volontyorlıq qılıw maqsetinde inglis tilin biletuǵın 20 ǵa jaqın student-jaslar sáwbetten ótkerilip, 2 basqıshlı sáwbet juwmaqlarına bola "Kompyuter injiniringi" fakulteti "Kompyuter injiniringi At-servis" jónelisi 3-kurs studenti Karimov Asrorbek bas koordinator lawazımına tańlap alındı.
Joybar 21-mart 3-aprel kúnler aralıǵında Kegeyli rayonı aymaǵında ámelge asırılıwı rejelestirilgen.
Sonıda aytıp ótiwimiz lazım, joybar sheńberinde Asrorbek óziniń belsendiligin kórsetip jaqsı qatnassa New York qalasında 1 ay dawamında oqıw-seminarına qatnasıp qaytıw imkaniyatına iye boladı.
Bizde óz gezeginde Asrorbektiń bul tabısı menen qutlıqlap,aldaǵı jumıslarına tabıslar tileymiz.