USHÍRASÍW

Búgin Muhammed al-Xorezmiy atındaǵı TITU Nókis filialında “Korrupciya-rawajlanıwımızǵa tosıq” atamasında ushırasıw keshesi bolıp ótti. Ushırasıwdı filialdıń Oqıw isleri boyınsha direktor orınbasarı X.Seytkamalov ashıp berdi hám basqarıp bardı. Onda Qaraqalpaqstan Respublikası prokuraturası 17-bólim prokurorı, 2-dárejeli yurist Qaypova Ileonora miymanda bolıp, “Korrupciyaǵa qarsı gúresiw haqqında” ǵı nızam hám “ Korrupciyaǵa qarsı gúresiw mámleketlik dástúrleri” haqqında tıńlawshılarǵa keń túrde túsinikler berdi. Sonday-aq Qaraqalpaqstanda 2020- 2021-jıllardaǵı júz bergen korrupcion jınayatlar haqqında ayrıqsha toqtalıp, bul baǵdardaǵı unamsız is-háreketler hár jıl sayın artıp baratırǵanlıǵın da atap ótti. Tıńlawshılar bayanattan soń, ózlerin qızıqtırǵan sorawların berip, taraw qánigesi tárepinen kerekli huqıqıy maǵlıwmatlar aldı.