8-fevral kúni Moynaq rayonında jaylasqan TITU Nókis filialına qaraslı Future Muynak IT center hám book cafe da Informaciyalıq texnologiyaları hàm kommunikaciyaların rawajlandırıw Ministri Sherzod Shermatov, IT park direktorı Farhod Ibragimov hám Informaciyalıq texnologiyaları hàm kommunikaciyaların rawajlandırıw ministrligi Qaraqalpaqstan Respublikası aymaqlıq basqarması baslıģı Timur Baekeevlar miymanda boldı.
Kelgen miymanlar IT centerda tálim alıp atirǵan oqıwshılardıń orayda alıp atirǵan bilimleri, úyrenip atirǵan programmaları menen tanıstı. Orayda tiykarınan dásturlew,web dásturlew hám kompyuter grafikası boyınsha sabaqlıqlar 2019-jıldan berlı filialımız professor-oqıtıwshıları tárepinen alıp barılmaqta.Ol jerde ilim alıp atirǵan oqıwshılardıń jasaǵan 3D modelleri hám olardıń printerı arqalı islegen buyımların kórip miymanlar ózleriniń jaqsi pikirlerin bildirdi.〽️Book cafe ta 5000 ǵa jaqın paydalı ádebiyatlar jaylasqan hám olardan paydalanıw imkaniyatına iye.