Бүгин Ташкент информациялық технологиялары университети Нөкис филиалында 2019-2020-оқыў жылы ушын магистратура қәнигеликлерине ҳүжжет тапсырған талабанлар ушын тийисли қәнигелик пәнлерден имтиханлар басланды.
Хабарыңыз бар 2019-жылдан баслап, магистратура тәлим басқышына кириў имтиханлары қәнигелик пән ҳәм инглис тили пәнлеринен өткерилмекте.
Бул имтиханлар ҳақыйқый әшкара тәризде өткерилиўи ушын ТАТУ Нөкис филиалында қадағалаў камералары орнатылған.
Еслетип өтемиз, ТАТУ Нөкис филиалында 2019-2020-оқыў жылы ушын магистратура қәнигеликлерине Компьютер инжиниринги (Компьютер системаларын жойбарлаў) бағдарына – жәми мәмлекетлик грант тийкарында 3 орын, Телекоммуникациялық инжиниринг (Телекоммуникациялық тармақлар) бағдарына – жәми мәмлекетлик грант тийкарында 2 орын орын ажыратылған.
ТАТУ Нөкис филиалы Баспасөз хызмети