Ibrayim Yusupovtin' 90 jillig'i

Siz benen biz ma'kan qilg'an bul topiraqta ba'ride bar,
Egin ekse o'rre turg'an sho'plerinde da'ride bar,
Tegin emes ana topiraq bezalmaydi adam degen,
Teren' tamir urg'an daraq Watan degen, Watan degen!
Bul qosiq qatarlardi derlik ko'pshilik zamanlaslarimiz yad alg'an. Bul shin ma'nisindegi xaliq qosig'ina aylanipta u'lgergen. O'ytkeni qosiq do'retiwshisi haqiqiy xaliq shayiri. Shayirdin' ullilig'ida mine usinda bolsa kerek. A'piwayi xaliq tilinde qa'lem terbetip oni kewillerge ina'm etedi.
Ibrayim Yusupov-XX a'sirde Qaraqalpaq xalqinin' ulli shayiri, poeziya aspaninin' so'nbes juldizi. Ulli shayirimizdin' 90 jilliq qutli sa'nesi elimiz boylap dawam etpekte.
Bu'gin TITU No'kis filialinda sa'ne mu'na'sibeti menen a'debiy keshe bolip o'tti. Ayaziy do'retpeleri, a'debiy ortaliq, ruwxiy-estetikaliq ko'rinisler...A'lbette ha'r qanday ilajdi bular bayitadi. Usinday bay mazmundag'i a'debiy keshe shayir do'reteleri mazmunli pikirler menen dawam etti.
Ha'r qanday do'retiwshinin' ekinshi o'miri boladi degenindey Ibrayim Yusupovtin' tergen so'z marjanlari keleshek a'wladlar yadinda ma'ngi saqlana beredi.






TITU No'kis filiali Baspaso'z xizmeti
Foto avtor: Reportyor Muhammed Bekmuratov