Муҳаммед ал-Хорезмий атындағы Ташкент информациялық технологиялары университети Нөкис филиалына Қубла Кореяның Сунг Кьюн Хван университетинен бир қатар оқытыўшылар ҳәм волонтёрлар келди. Келген мийманлар дәслеп ТИТУ Нөкис филиалы дирекциясы тәрепинен күтип алынды.
Қубла Кореядағы информациялық технологиялар тараўындағы усы тәжирийбели оқытыўшылар ҳәм волонтёрлар ТИТУ Нөкис филиалы басламасы ҳәм шақырыў жойбары тийкарында Нөкис қаласына келди. Енди олар 1 ай даўамында ТИТУ Нөкис филиалы студентлерин, соның менен бир қатарда ТИТУ Нөкис филиалы қасындағы академик лицей оқыўшыларын соңғы заманагөй технологиялар бойынша оқытады, тәжирийбе алмасады ҳәм әмелий-лабораториялық жумыслар алып барады.
Бизге белгили ҳәзирги ўақытта технологиялар тараўында Қубла Корея мәмлекети алдағы қатарда. Сонлықтан Кореялы қәнигелердиң тәжирийбеси менен бөлисиў елимиз жаслары ушын және бир имканиятлар есигин ашып береди.
