Ózbekstan Respublikası Konstıtutciyasınıń 32 jıllıǵı
Ózbekstan Respublikası Konstıtutciyası qabıl etilgeniniń 32 jıllıǵı múnásibeti menen Muhammed al-Xorezmiy atındaǵı TITU Nókis filialında ushırasıw ótkerildi.
Onda Qaraqalpaqstan Respublikasi Joqarǵı Keńesiniń komitet baslıǵı Sh.Otemisov, Májbúriy orınlaw byurosı Qaraqalpaqstan Respublikası basqarması baslıǵı Islam Arziev, Qaraqalpaqstan Respublikası sudı baslıǵınıń orınbasarı I.Mustafaev, filial direktorı w.w.a. R.Oteniyazov, filial jámááti hám student-jaslar qatnastı.
Ushırasıw aldınan, R.Oteniyazov kelgen miymanlardı filial iskerligi, jaratılǵan sharayatlar menen tanıstırıp ótti.
Ózbekstan hám Qaraqalpaqstan gimnleri menen baslanǵan ushırasıw taraw qánigeleriniń konstituciyamız haqqındaǵı pikir hám maǵlıwmatları menen dawam etti.
Nızamshlılıq tarawı, jańa redakciyadaǵı konstituciyamızda sud-huqıq sistemasına eńizilgen jańalıqlar menen bólisilgen ushırasıw ashıq sáwbet kórinisinde bolıp ótti hám soraw-juwaplar menen dawam etti.
Qaraqalpaqstan Respublikasi Joqarǵı Keńesiniń komitet baslıǵı Sh.Otemisov tıń ózi de student-jaslardıń bilimlerin sınnan ótkeriw maqsetinde olarǵa sorawlar berdi. Óziniń juwabi menen belsene qatnasqan studetimizge bolsa komitet baslıǵı ózi oqıp atırǵan kitabın sawǵa etti.
Ilajda atap ótilgenindey, tiykarǵı nızamımız óziniń tereń oylanǵan principleri hám qaǵıydaları menen ajıralıp, elimizdiń táǵdirin, hár bir insannıń huqıq jáne erkinliklerin belgilewde áhmiyetli hújjet bolıp esaplanadı.
1992-jılı 8-dekabr kúni ǵárezsiz Ózbekstannıń Konstituciyası qabıl etildi. Konstituciyanı islep shıǵıwda nızamshılıqtaǵı aldınǵı sırt el tájiriybeleri menen birgelikte xalqımızdıń kóp ásirlik mentaliteti, jasaw sharayatı, ata-babalardan miyras bolıp kiyatırǵan úrp-ádetleri de basshılıqqa alındı.
Konstituciyada tiykarǵı itibar insan hám onıń huqıqları jáne erkinlikleri, yaǵnıy Ózbekstan Respublikasınıń hár bir puqarasına jeke huqıq hám erkinlikler, siyasiy hám sociallıq-ekonomikalıq huqıqlardıń kepillikleri támiyinlendi.
Ushırasıw student-jaslardıń konstituciyamiz haqqındaǵı bilimlerın bekkemlewde jaqınnan járdem berdi desek asıra aytqan bolmaymız.