Filial student-qızları arasında "Tumaris izbasarları" tańlawınıń dáslepki basqıshı bolıp ótti
Muhammed al-Xorezmiy atındaǵı TITU Nókis filialında oqıp bilim alıp atırǵan student-qızlar arasında "Tumaris izbasarları" atamasında toparlar aralıq tańlaw shólkemlestirilmekte edi.
Tańlawdıń dáslepki "Zakovat" intellektual oyını basqıshı usı jıldıń 3-dekabr kúni bolıp ótti.
Tańlawdı filial Hayal-qızlar máseleleri boyınsha direktor másláhátshisi A.Tumaeva ashıp berdi hám de qatnasıwshılardı tańlawdıń bárshe shártleri menen jaqınnan tanıstırıp ótti. Sonday-aq, filial Hayal-qızlar psixologı G.Utemuratova hám "Telekommunikaciya texnologiyaları hám kásiplik tálim fakulteti" hayal-qızlar boyınsha dekan másláhátshisi F.Sarıkulovalar sózge shıǵıp tańlaw qatnasıwshılarına áwmet tiledi.
Tańlawǵa filial student-qızlarınan jám bolǵan komandalar qatnastı hám óz intellektual qábiletin sıńnan ótkerdi. Tańlaw dawamında qızlar berilgen sorawlarǵa shaqqanlıq penen juwap berdi hám de ózleriniń tańlawdaǵı jeńisine qaray birinshi adımların tasladı.
