Ataqlı ilimiy jurnallar redaktorı filialımızda miymanda boldı
Usı jıldıń 5-dekabr kúni “Muhandislik va iqtisodiyot” hám “Yashil iqtisodiyot va taraqqiyot” jurnalları redaktorı Sherzod Qurbonov Muhammed al-Xorezmiy atındaǵı TITU Nókis filialında miymanda boldı.
Filial direktorı w.w.a. R.Oteniyazov, oqıw isleri boyınsha direktor orınbasarı X.Seytkamalov, redaktor hám student-jaslar qatnasıwındaǵı ushırasıwda jurnallardıń ilimiy jetiskenlikleri hám olar arqalı student-jaslar, sonday-aq, professor-oqıtıwshılardıń ilimiy potencialın kóteriw tuwralı sóz bardı.
Sol menen bir qatarda ushırasıw barısında Prezidentimiz baslaması menen shólkemlestirilgen “Jetekshi injenerlik mektepleri” iskerligi, olardı metodikalıq támiynlew boyınsha pikirler bildirildi.
Ushırasıwda sózge shıqqanlar maqalalar járiyalaw, belsene qarım-qatnastı jolǵa qoyıw haqqında da toqtalıp ótti.
Jurnallar redaktorı tárepinen, joqarıda atları atalǵan jurnallarda avtorlıq maqalaların járiyalaw talapları, olarǵa qoyılatuǵın talaplar tuwralı maǵlıwmatlar berildi.
Ushırasıw juwmaǵında redakciya hám filial birgelikte jumıs alıp barıwı boyınsha kelisip alındı.
Bul kelisim student-jaslarımız hám professor-oqıtıwshılarımız ushın óz ilimiy miynetlerin járiyalawda, bilimlerin jetilistiriwde jańa imkaniyatlar esigin ashıwı sózsiz.
