QARO'ZBРУСENG

QABILLAW – 2017

O’zbekistan Respublikasının’ barlıq Joqarı ha’m orta arnawlı bilimlendiriw ma’kemelerinde abiturientlerden hu’jjetlerdi qabıllaw jumısları baslandı. Muxammed al-Xorezmiy atındag’ı Tashkent informatsiyalıq texnologiyaları universiteti No’kis filialında abiturientlerden hu’jjetlerdi qabıllaw barısı O’zbekstan Respublikası Prezidntinin’ 2017-jıl 5-maydag’ı "2017-2018-oqıw jılında O’zbekstan Respublikasının’ joqarı oqıw orınlarına qabıllaw haqqında”g’ı PQ-2955-sanlı, O’zbekistan Respublikası Joqarı ha’m Orta arnawlı bilimlendiriw ministrliginin’ 2017-jıl 6-maydag’ı “2017-2018-oqıw jılı qabıllawın joqarı da’rejede sho’lkemlestiriw haqqında”g’ı 289-sanlı ha’m O’zbskstan Rssiublikası Xalıq bilimlendiriw ministrliginin’ 2017-jıl 6-maydag’ı “Muxammed al-Xorezmiy atındag’ı Tashkent informatsiyalıq texnologiyaları universiteti filialarında 2017-2018-oqıw jılı ushın qabıllawdı sho’lkemlestiriw haqqında”g’ı 151-sanlı buyrıqları basshılıqqa alınıp, joqarı juwapkershilik penen belgilengen is-rejeler tiykarında alıp barılıwı rejelestirildi.

Abiturientlerden hu’jjetlerdi qabıllaw orınları, abiturientler ushın ma’sla’ha’t beriw bo’lmeleri, veb-kamera ha’m ata-analar ushın arnawlı dem alıw orınlar ajıratılg’an.

O’tken oqıw jılında filialımızg’a 165 student qabıllang’an bolsa, bıyılg’ı jılı 200 student ha’m 5 magistranttı qabıllaw rejelestirilmekte.

Abiturientlerimiz ushın 5 bakalavr ta’lim bag’larına 200 student qabıllanadı. Atap o’tetug’ın bolsaq, Informatsiya qawıpsızlıgı (tarawlar boyınsha), Kompyuter injiniring (“Kompyuter injiniring”, “AT-servis”), Da’stu’riy injiniring, Telekommunikatsiya texnologiyaları (“Telekommunikatsiya”), Informatika-kommunikatsiya texnologiyaları tarawında ka’sip ta’lim bakalavr ta’lim bag’darına 200 student qabıllanadı.

O’tken qabıllaw jılında test o’tkeriw ushın 1 imarat xızmet ko’rsetken bolsa bıyılg’ı 2 imarat abiturientler xıızmetinde boladı.

Bıyılg’ı o’zgerislerdin’ biri, bakalavriatqa hu’jjetlerdi qabıllaw iyun ayının’ 15 sa’nesinen iyul ayının’ 15 sa’nesi aralıg’ında alıp barılıp, test sınaqları avgust ayının’ 1 sa’nesinde, magistraturag’a hu’jjetlerdi qabıllaw iyun ayının’ 1 sa’nesinen iyul ayının’ 30 sa’nesi aralıg’ında alıp barılıladi. Sanday-aq, filialımız abiturientler ushın qollayıqlar jaratıw maqsetinde yag’nıy o’tken jılınan baslap Muxammed al-Xorezmiy atındag’ı Tashkent informatsiyalıq texnologiyaları universiteti ha’m onın’ aymaqlıq filiallarında elektron qabıl interaktiv xızmeti - qabul2016.tuit.uz sisteması engizildi.

A’ziz abiturientler, hu’jjetlerin’izdi tapsırıp, o’z bilimin’izge isenip, student bolıwday baxıtqa miyasar bolın’. Bul – erten’gi ku’nimiz ushın o’zlerin’izdin’ texnologiyan’ızdı jaratıwın’ızg’a tiykar bola aladı.

Salamat AVEZOV
Muxammed al-Xorezmiy atındag’ı Tashkent informatsiyalıq texnologiyaları universiteti
No’kis filialı «Oqıw ja’rdemshi bo’limi»nin’ laborantı.