Ijaradaģı studentlerden xabar alındı
Studentlerdiń jasaw shárayatların úyreniw arqalı olar arasında júz beriwi múmkin bolģan hár túrli qáwip-qáterli jaģdaylardıń aldı alınadı.
Mine, usı maqsette filialımızdıń Jaslar máseleleri hám ruwxıy-aģartıwshılıq isleri boyınsha direktor orınbasarı R.Óteniyazov, Kompyuter injiniring fakulteti dekanı T.Berdimbetov, dekan orınbasarı Sh.Baymuratov, tyutor S.Xojametov hám Jaslar awqamı filial baslanģısh shólkemi jetekshisi Z.Maxsetbaevlar ijaradaģı studentlerdiń úylerinen xabar aldı.
Úyreniw dawamında ijaradaģı studentlerdiń úylerinde gaz basımı tekserilip, qazanxanalarınıń jaramlılıq jaģdayları kózden keshirildi. Shınında da, "Órt-tilsiz jaw". Ol hesh bir shańaraqqa xabar berip kelmeydi. Sonlıqtan da, qáwipsizlik qaģıydalarına ámel etiw, jıllıq jetkerip beriwshi texnikalıq úskenelerden paydalanģanda sergeklik penen qaraw eń aldı menen hár bir insan óziniń qalaberse basqalardıń da ómiri ushın juwapker ekenligin de umıtpawı tiyis.
TITU Nókis filiali Baspasóz xızmeti