Húrmetli professor-oqıtıwshılar, qádirli ata-analar hám student-jaslar!
Gidrometeorologiya xızmeti orayı xabarına tiykar 10-yanvardan baslap, hawa rayınıń keskin ózgeriwine baylanıslı xalıq arasında, ásirese bilimlendiriw shólkemlerinde máwsimlik gripp keselligi kóbeyiwiniń aldın alıw maqsetinde Joqarı hám professional bilimlendiriw orınları, akademiyalıq licey oqıwshıları hám student-jaslar ushın qısqı dem alıs múddeti 2023-jıl 18-yanvarģa shekem uzaytırıldı.
Sabaq shınıģıwları 18-yanvardan baslanadı.
Bul dáwirde bilimlendiriw shólkemleri pedagog hám basqa jumısshılarģa ámeldegi is haqı tólemleri saqlanıp qaladı.
Sonday-aq, dem alıs kunleri studentler ushın ilimiy maqalalar tayyarlaw boyınsha onlayn seminarlar, ruwxıy-aģartıwshılıq ilájlar ótkeriledi.
Student-jaslardıń óz tálim dargaylarına qaytıwı ushın qolay shart-sharayat jaratıw maqsetinde avia hámde temir jol biletleri 50% shegirme beriliw múddetide 2023-jıl 18-yanvarģa shekem uzaytırıldı.
Eń tiykarģısı, 9-yanvarģa shekem satıp alınģan avia hám temir jol biletleri beypul túrde tiyisli múddetke almastırıp beriledi.
Bunnan tısqarı, dem alıs uzayıwı múnásibeti menen avia hám temir jollarda qosımsha orın(reys)lar ajıratıladı.
Usı waqıtta belgilengen sabaq shınıģıwları oqıw jılı dawamında tıģızlastırıp oqıtıladı.