Usı jıldıń 14-dekabr kúni Tashkent finans institutında Erasmus+ Informaciya kúni bolıp ótti. Onda Tashkent qalası hám respublikamızdıń bárshe wálayatlarındaģı 65 JOO, taraw wákilleri, Europe awqamına aģza mámleketler elshixanaları hám tiyisli shólkemler wákillerinen 130dan artıq tıńlawshılar qatnastı.
Onda sóz etkenler Erasmus+ dástúriniń ámelge asırılıp atırģan modernizaciya procesindegi ornı hám dástúrdiń Joqarı tálim sıpatın asırıwģa tásiri tuwralı aytıp ótti.
Bul ilájģa filialımızdıń "Informaciyalıq texnologiyalar" kafedrası baslıģı, docent Asiya Tureniyazova da qatnasıp, sekciyalar isi boyınsha óz pikir-usınısların bildirdi hám onda tájiriybelirek qatnasıwshılar Erasmus+ dástúriniń kelesi qatnasıwshıları menen óz tàjiriybelerin bóliskenligi, olarģa ámeliy másláhátler berilgenligin ayrıqsha atap ótti.
TITU Nókis filiali baspasóz xızmeti