"Watandı súyiw - iymannandur" degen danalıq biykarģa aytılmaģan. Shınında da, hár bir erjigit dúnyaģa keler eken ósip, kamalģa jetip kewline úlken maqsetlerdi, niyetlerdi túyip qoyadı. Usınday maqsetlerdiń biri Qurallı kúshler qatarına qosılıp, múddetli áskeriy xızmetti ótew.
Mine, usı minnetli wazıypanı orınlawdı niyet etken Karamatdin Bazarbaev 15361 Áskeriy bólim, Baylanıs brigadasına atlandı. Ol jerde ustazlarınıń kórsetpelerine ámel etip, ayrıqsha minez - qulq hám tártip - intizamı menen basqalardan ajıralıp turdı. Sonday-aq, ózine jeterli bilim hám tájiriybelerdi toplap, mámleketlik usınısnamanı qolģa kirgizdi.
Álbette, bul usınısnamanı alıw ushın 1 jıl dawamında tınımsız oqıp, shuģıllanıp bir qansha miynet etti. Nátiyjede ol usı jılı Muhammed al-Xorezmiy atındaģı TITU Nókis filiali Telekommunikaciya texnologiyaları hám kásiplik tálim fakultetine oqıwģa tapsırıp, student boldı. Hàzirgi waqıtta ol qánigelik bilimlerin jetilistirip kelmekte.
TITU Nókis filialı baspasóz xızmeti