Búgin Muhammed al-Xorezmiy atındaģı TITU Nókis filialında jaslardı hár túrli jat illetlerden qorģaw hám olardıń sırtqı tásirlerge beriliwiniń aldın alıwģa baģıshlanģan ushırasıw bolıp ótti.
Ushırasıwdı filial direktorı t.i.d., professor B.T.Qaipbergenov ashıp berdi hám basqarıp bardı.Sonday-aq, filialdıń Profilaktik inspektor lawazımına tayınlanģan jańa kadr A.Duysenovtı jámáátshilikke tanıstırdı.
Soń filialdıń Komplaens baqlaw hám korrupciyaģa qarsı gúresiw bólimi baslıģı M.Absattarov sózge shıģıp, nızamshılıqtaģı terminlerge túsindirme berip ótti.
Bunnan soń, ushırasıwda direktor máslátshisi sózge shıǵıp, elimizde jaslarımızǵa berilip atırǵan imkaniyatlar haqqında toqtalıp, bársheni búgingi kúnimizge shúkirshilik sezimi menen jasawģa, tınıshlıqtıń hám abadan turmısımızdıń qádirine jetiwge shaqırdı.
Bunday ilájlardıń tez-tezden ótkeriliwi student-jaslarımız arasında milletler ara tatıwlıq hám óz-ara mehir-múriwbetti bekkemlewge xızmet eteri anıq.