Xabarıńız bar, Ğárezsizligimizdiń 31 jıllıģın múnásip belgilew maqsetinde Respublikamız boylap kóplegen mádeniy kesheler hám sport jarısları bolıp ótpekte. Mine, usınday ilájlardıń biri “Jańa Ózbekstanda el áziz, insan ázizˮ súreni astında ótkerilgen jaslar marafonı boldı.
Bul marafonģa Muhammed al-Xorezmiy atındaģı Tashkent informaciyalıq texnologiyaları universiteti Nókis filialınan da bir qatar shaqqan, ziyrek hám sportqa qızıģıwshı jasları qatnastı.
Bárshe qatnasıwshılar 2-sanlı medicinalıq kolledjinen start alıp, finish sızıģı qos bayraqqa shekem óz qabıletin sınnan ótkerdi.
Bunda álbette, student-jaslardıń belsendiligin asırıw, olardı jaqınnan qollap-quwatlaw maqsetinde filialdıń Jaslar menen islesiw, ruwxıylıq hám aģartıwshılıq isleri boyınsha direktor orınbasarı, fakultet dekanları, tyutorlar da óz belsendiligin kórsetti.
Bul kibi sport jarıslar jaslardı salamat turmıs keshiriwge iytermelese, bir tárepten olardı shaqqanlıqqa tárbiyalaydı.
TITU Nókis filiali baspasóz xızmeti