Biz jasap atırģan el jaslar ushın sheksiz imkaniyatlardı bermekte. Ilim hám bilimlendiriw tarawında kóplegen qarar hám pármanlar, jańa tártiptegi nızamlar endirilmekte. Álbette, bul unamlı ózgerisler, jańalıqlar insanlardıń jaqsı jasawı hám múnásip turmıs keshiriwine qaratılǵan.
Bunday qararlardıń biri, mámleketlik joqarı oqıw orınlarınıń magistratura basqıshına tólemli kontrakt tiykarında oqıwǵa qabıllanǵan hayal-qızlardıń tólew kontrakt summasınıń mámleketlik byudjet qarjıları esabınan tólep beriliwi boldı.
Mine, bul qarardıń shıģıwı bárshe hayal - qızlar ushın quwanıshlı jańalıq dep oylayman. Bunnan tısqarı, olarģa qaratılģan itibardıń jáne bir kórinisi dep aytıw orınlı.
Men búgingi kúnde Muhammed al-Xorezmiy atındaģı TITU Nókis filialında oqıp, bos waqıtlarımda inglis tilin úyreniw menen shuģıllanıp atırman.Úlken maqsetlerimnen biri kásibimdi tereń meńgerip, shet tillerinde erkin sáwbetlesiw.
TITU Nókis filiali studenti Baytilewova Gúljáhan