Búgin Muhammed TITU Nókis filialında 26-iyun Xalıq aralıq náshebentlikke qarsı gúresiw kúnine baģıshlap "Biz náshebentlikke qarsımız" atamasında ushırasıw bolıp ótti.
Ushırasıwdı filialdıñ Oqıw isleri boyınsha direktor orınbasarı X.Seytkamalov ashıp berdi. Ilajģa direktor másláhátshisi M.Xalliev, Kompyuter injineringi fakulteti Jaslar menen islesiw boyınsha dekan orınbasarı Sh.Baymuratov hám Jaslar menen islesiw, ruwxıylıq ham aģartıwshılıq bólimi baslıģı B.Nurımbetov hám 1-kurs student - jasları qatnastı.
Onda QR IIM JQB aģa operativ wákili J.Edenbaev tárepinen student - jaslarģa náshebentliktiñ insan ómirine zıyan keltiretuģınlıģı hám shańaraqlıq turmısına qanshelli unamsız tàsir etetuģınlıģı atap ótildi.
Sonday-aq, náshebentlik penen shuģıllanıwshı insanlarģa nızamshılıqtaģı belgilengen jaza túrleri boyınsha maģlıwmat berildi. Studentler ózlerin qızıqtırģan sorawlarına juwap aldı.